ད་ལྟའི་ཆར་འབྲེལ་ཡོད་གསར་དེབ་དང་དུས་དེབ་གྲངས་ ༡༢༠ ལྷག་འབྱོར་བ་རྣམས་ཕྱི་ནང་མི་རིགས་ཁག་གི་ཀློག་པ་པོ་མང་པོས་ལོངས་སྤྱོད་བྱེད་བཞིན་ཡོད། དཔར་སྐྲུན་མ་བྱས་ཤིང་དཀོན་རིགས་ཀྱི་དཔེ་དེབ་ཕྱོགས་བསྡུས་མི་ཉུང་བཞིག་དང་། ཁ་ཐོར་དུ་གནས་པའི་བོད་རིགས་སྐོར་གྱི་ཚགས་པར་བཅད་ཤོག་གི་ཡིག་སྣོད། དུས་དེབ་པྱོགས་བསྡུས། འགྲེམས་ཡིག་ཡིག་སྣོད། ཡིག་ཆའི་དེབ་ཆུང་སོགས་ཕྱི་ལོ་ ༡༩༥༩ ལོ་ནས་བཟུང་བོད་པའི་སྤྱི་ཚོགས་དང་འབྲེལ་བའི་ཡིག་རིགས་མང་དག་ཅིག་ཡོད། དེ་དག་ཀྱང་དཀར་ཆག་གི་ལམ་ལུགས་བརྒྱུད་དེ་དྲ་རྒྱའི་སྟེང་ནས་གཟིགས་ཐུབ།
སྡེ་ཚན་འདི་ནས་དཔེ་དེབ་སྐྱོན་ཤོར་ཉམས་ཉེས་མི་ཡོང་བའི་སླད་དེང་དུས་ཀྱི་དཔེ་སྒྲོམ་སྒྲི་གཤོམ་གྱིས་ཉར་ཚགས་བྱེད་བཞིན་ཡོད་པ་དང། དཔེ་མཛོད་ཁང་གཞན་དང་འདི་གའི་དཔེ་མཛོད་ཁང་གི་དབར་གན་རྒྱའི་ལམ་ནས་ཕྱོགས་སོ་སོའི་དཔར་སྐྲུན་བརྗེ་ལེན་བྱས་དང་བྱེད་མུས་ཁར། གན་རྒྱའི་བརྗེ་ལེན་ལས་གཞན་པའི་གཟིགས་སྐོར་དུ་ཕེབས་མཁན་གྱི་མཁས་དབང་དང་ཚོགས་སྡེ་ཁག་ནས་ཀྱང་དཔེ་དེབ་ཞལ་འདེབས་དང་དཔར་ཕུད་འབུལ་མཁན་མང་པོ་ཡོད། དེ་བཞིན་གསར་དུ་ཐོན་པའི་དཔེ་དེབ་ལེགས་གྲས་ཁག་ལོ་ལྟར་བླུ་ཡོན་ཞུ་བཞིན་ཡོད།
དཔེ་མཛོད་ཁང་འདི་ནས་ཕྱི་ནང་མི་རིགས་དབྱེར་མེད་ཀྱིས་དཔེ་དེབ་གཡར་ཕྱོགས་ཀྱི་སྒྲིག་སྲོལ་ལྟར་གཡར་པོ་ཞུ་རྒྱུ་ཡོད།
སྡེ་ཚན་འོག་མ།
རྒྱ་ཡིག་སྡེ་ཚན།
བོད་ཀྱི་དཔེ་མཛོད་ཁང་གི་ལས་གཞི་རྟག་ཏུ་རྒྱ་སྐྱེད་སོང་དང་འགྲོ་བཞིན་པ་དང་དུས་མཚུངས་ལོ་འདིའི་ཟླ་བ་དང་པོའི་ནང་དབྱིན་སྐད་སྡེ་ཚན་གྱི་དོ་དམ་འོག་སྡེ་ཚན་འདི་གསར་དུ་དབུ་འབྱེད་ཞུས་པ་ཡིན། ལོ་ལྟར་བོད་ནས་རྒྱ་གར་ནང་བྲོས་བྱོལ་དུ་ཡོང་མཁན་ཉིན་རེ་བཞིན་ཇེ་མང་དུ་འགྲོ་བཞིན་པ་དང་། རྒྱ་ཡིག་སློབ་སྦྱོང་བྱས་པ་དང་ཤེས་མཁན་བོད་རིགས་མང་དུ་འགྲོ་བཞིན་ཡོད། དེ་འདྲ་སོང་ཙང་ཁོང་ཚོར་རྒྱ་ཡིག་ལྟ་ཀློག་བྱེད་སའི་མཐུན་རྐྱེན་སྦྱོར་ཆེད་དང༌། ད་དུང་རྒྱ་ནག་གི་སློབ་ཕྲུག་དང་མཁས་དབང་ཚོར་བོད་ཀྱི་ནང་ཆོས་དང་སྐད་ཡིག་སློབ་སྦྱོང་བྱེད་ས་དང༌བསམ་ཚུལ་བརྗེ་ལེན་དང་བགྲོ་གླེང་བྱེད་སའི་ཁོར་ཡུག་ཅིག་བསྐྲུན་ཕྱིར་སྡེ་ཚན་འདི་དབུ་ཕྱེ་བ་ཞིག་ཡིན།ད་ལྟ་བར་དུ་སྡེ་ཚན་འདིའི་ནང་དཔེ་དེབ་གྲངས་ ༣༠༠༠ ཙམ་ཕྱོགས་བསྡུས་བྱས་ཡོད་པ་ལས་ ༢༠༠༠ ཙམ་དཀར་ཆག་ནང་བཀོད་ཟིན། དེ་དག་གི་ཁྲོད་རྒྱ་ནག་གི་ནང་ཆོས་སྐོར་ཧ་ཅང་མང་པོ་ཡོད་པ་དང་ད་དུང་རྒྱ་ནག་གི་གནའ་བོའི་ལོ་རྒྱུས་ཀྱི་དེབ་དང་གྲགས་ཆེ་བའི་སྒྲུང་དེབ་མི་ཉུང་བ་ཞིག་ཉར་ཚགས་བྱས་ཡོད། དེ་བཞིན་༸གོང་ས་མཆོག་གིས་ལྗགས་རྩོམ་གནང་སྟེ་རྒྱ་ཡིག་ནང་ཕབ་སྒྱུར་ཞུས་པའི་དཔེ་དེབ་གྲངས་ ༡༠༠ སྐོར་ཞིག་བཞུགས་ཡོད།
ད་ལྟའི་ཆར་སྡེ་ཚན་འདིར་དམིགས་ཡུལ་གཉིས་ཡོད་པ་ལས་བོད་དང་འབྲེལ་ཡོད་ཀྱི་དཔེ་དེབ་ཁག་ཕྱོགས་བསྡུས་བྱ་རྒྱུ་དང་རྒྱ་ནག་སྐམ་ས་ཆེན་མོའི་དཔེ་མཛོད་དང་ཐེའི་ལྦན་ནས་འབྱོར་བའི་དཔེ་དེབ་ཁག་ཉར་ཚགས་བྱ་རྒྱུ་ཡིན།
ད་ལྟའི་བྱེད་སྒོའི་ཐོག་ལ་མ་འོངས་པར་ང་ཚོས་རྒྱ་ཡིག་ནས་བོད་ཡིག་དང་བོད་ཡིག་ནས་རྒྱ་ཡིག་ཐོག་ཡིག་སྒྱུར་གྱི་ལས་གཞི་གཉེར་རྒྱུ་དང་རྨང་གཞིའི་རིམ་པ་ནས་འགོ་བཙུགས་ཏེ་རྒྱ་ཡིག་སློབ་སྦྱོང་བྱེད་སའི་འཛིན་གྲྭ་ཞིག་འཛུགས་རྒྱུའི་ནུས་ཤུགས་བཏོན་ནས་ང་ཚོའི་ལས་དོན་རྒྱ་སྐྱེད་གཏོང་རྒྱུའི་འཆར་གཞི་ཡོད། འབད་བརྩོན་དེའི་ཐོག་ནས། བཙན་བྱོལ་བོད་རིགས་གཞོན་སྐྱེས་ཚོའི་གོ་རྟོགས་སྤེལ་བ་དང་ཤེས་ཡོན་གོང་མཐོར་གཏོང་སླད་ང་ཚོས་ལེགས་སྐྱེས་ཕྲན་བུ་ཞིག་འབུལ་ཐུབ་པའི་རེ་བ་བྱེད་ཀྱིན་ཡོད།
འབྲེལ་ཡོད་མི་སྣ།
 | དཔལ་མོ་ཚེ་རིང༌། སྡེ་ཚན་འགན་འཛིན། |
གནས་བསྡུས།
ཕྱི་ལོ་ ༢༠༡༠ ལོའི་གནས་བསྡུས།- ནང་ཆོས་དང་བོད་ཀྱི་འབྲེལ་ཡོད་གནད་དོན་སྐོར་དཔེ་དེབ་གྲངས་ ༡༣༠༠༠ ཙམ་ཕྱི་རྒྱལ་སྐད་ཡིག་ནང་ཡོད།
འཕབ་ལེན།
- Collection_of_thesis
- Rare book
སྡེ་ཚན་འོག་མ།
རྒྱ་ཡིག་སྡེ་ཚན།དབྱིན་སྐད་སྡེ་ཚན་གྱི་དོ་དམ་འོག་སྡེ་ཚན་འདི་གསར་དུ་དབུ་འབྱེད་ཞུས། ད་ལྟའི་ཆར་བཙན་བྱོལ་བོད་མིའི་ཁྲོད་རྒྱ་ཡིག་ཤེས་མཁན་དང། ལྟ་ཀློག་བྱེད་མཁན་ཇེ་མང་དུ་འགྲོ་བཞིན་ཡོད་ཁར། རྒྱ་ནག་སྐམ་ས་དང་ཐེ་ཝན་གྱི་བོད་དོན་ཉམས་ཞིབ་པ་དང་སློབ་ཕྲུག་ཚོར་བོད་ཀྱི་ནང་ཆོས་སློབ་སྦྱོང་དང། བསམ་ཚུལ་བརྗེ་ལེན། བགྲོ་གླེང་སོགས་བྱེད་སའི་ཁོར་ཡུག་ཅིག་བསྐྲུན་ཕྱིར་སྡེ་ཚན་འདི་དབུ་འབྱེད་ཞུས་པ་ཞིག་ཡིན། [...]
འབྲེལ་ཡོད་མི་སྣ།
 དོན་གྲུབ་དབང་རྒྱལ།རྒྱ་ཡིག་དཔེ་དེབ་ཁང་། |
གནས་བསྡུས།
ཕྱི་ལོ་ ༢༠༡༠ ལོའི་གནས་བསྡུས།- ད་ལྟ་བར་དུ་སྡེ་ཚན་འདིའི་ནང་དཔེ་དེབ་གྲངས་ ༣༠༠༠ ཙམ་ཕྱོགས་བསྡུས་བྱས་ཡོད་པ་ལས་ ༢༠༠༠ ཙམ་དཀར་ཆག་ནང་བཀོད་ཟིན།
- དེ་བཞིན་༸གོང་ས་མཆོག་གིས་ལྗགས་རྩོམ་གནང་སྟེ་རྒྱ་ཡིག་ནང་ཕབ་སྒྱུར་ཞུས་པའི་དཔེ་དེབ་གྲངས་ ༡༠༠ སྐོར་ཞིག་བཞུགས་ཡོད།
འཕབ་ལེན།
books of his holiness the 14th dalai lama [120.6 KB]